المهم بلا طول سيرة ,,, ندخل في الموضوع  احنا مثل ما الكل بعرف بعرف عايشين في مجتمع متخلف , يعني مالوش ع قصص الحب , و خلافة و خصوصا في جامعتي الابية  يخزي العين عليها , و مثل هيك افعال اجت كرد فعل لهاي الحالة المرضية  , طبعا انا بتوقع انو الاغلب منكم  وقف عن قرأة الموضع , و البعض صار بقول كلامك صار مبتذل , بس لو تركز معي اشوي انا وصفت هاي النوعية من المجتمعات بالمتخلفة و ما وصفتها بالرجعية او المتحفظة , لانو المشكلة عنا هون هي في تفسير الحب و العلاقة ما بين الجنسين  , let's face it  الاغلبية العظمى من الشباب و البنات اللي ( قال يعني بحبوا ) مش عارفين شو يعني هذا الاحساس او مش حاسين في بالزبط و مجرد كتير من الاحيان بتوكن احاسيس اقامة علاقة مع جنس اخر هي المسيطرة مش اكتر و لا اقل , و الدليل على هذا الاشي انوا هذاي العلاقات في عمرها ما كملت و انتهت بعلاقة زواج  .

 شو السبب ؟ , باعتقادي راجع الى الخوف الشديد و التكتم هو اللي خلنا نبعد عن هدا الاحساس ( الحب )  و نحط مكانو الاحساس اللي سلف و ذكرتوا ....  هذا الاشي بلش معنا معنا من احنا و زغار يعني عدم معرفة الجنس الاخر و لًد عندنا مع الزمن فضول صار يكبر هدفو الوحيد هو التعرف على  ( الجنس التاني ) و هيك اختلطت المشاعر و ضاعت , و هذا الاشي اكبر غلط صار عنا احنا العرب و ما ببالغ و لو اني نسبت كل المشاكل اللي منعاني منها الى هذه القضية , لانو تفكير المراهقين منا صار منصب بشكل كامل عليها , و بهذة الطريقة ضيعنا وقتنا و افضل فترة في حياتنا .

الغرب استطاع انو يحدد علاقة الجنسين مع بعضهما بطريقة افضل فالانسان في الغرب صار عندو المقدرة انو يلتفت الى امور اهم ,لانو المفهوم اللي تولد عندو هو الصح , و خلينا نعمل  مقارنة ما بين مراهق غربي و واحد عربي و رح انلاحظ بسرعة مقدار الهوة الكبيرة في التفكير ( هون لا زم نكون صادقين مع نفسنا ) .

يعني بمعنا اخر علاقة الشب مع البنت في المفهوم الغربي  مش ضروري انها تكون علاقة حب , على عكسنا تماما و خليني اقتبس احدى الجمل المأثور لدكتور مادة تنظيم الاسرة   " الشب عندنا ازا بنت ابتسمت في و جهوا ع طول فكرها دايبة غرام فيو "  , طبعا هذا الاشي اثر بشكل كبير على امور كتيرة من اهمها الصداقة ما بين الجنسين , يللي بنشوف انها في كتير من المجتمعات صارت شبه معدومة و حتى لو كانت موجودة بتكون ضعيفة , و طبعا عدا التوتر الكبير اللي  بصير ما بين الجنسين اذا و احد حكى مع التاني و كل و احد عارف نفسو .

زي ما حكيت احنا مجتمع متخلف ( مش رجعي و لا متحفظ ) لانو المجتمعات الرجعية او المتحفظة استطعات انو تحدد علاقة الجنسين مع بعضهما ( سواء بطريقة او بأخرى ) و ما عادت بحاجة الى التفكير في متل هيك مواضيع بس الحسرة علينا احنا , فيعني لا زم نشوفلنا حل .......